«Adam kapıtaly elimiz damýynyń basty sharttarynyń biri. Elbasynyń «Bolashaqqa baǵdar rýhanı jańǵyrý» baǵdarlamalyq maqalasynda aıtylǵan «Jańa gýmanıtarlyq bilim. Qazaq tilindegi 100 jańa oqýlyq» jobasy» sheńberinde sheteldeodegi úzdik ýnıversıtetter oqýlyqtary negizinde 17 oqýlyq azaq tiline aýdarylyp, stýdentterge usynylatyn ýaqyt ta alys emes. Bul qazaq tilinde bilim alatyn stýdentterdiń oı-órisin keńeıtip, olaodyń tarıh, pıshologııa, áleýýsmettaný, fılosofııa, mádenıettaný sekildi gýmanıtarlyq pánderden tereń bilim alýyna múmkindik jasaıdy» deıdi konferensııanyń plenarlyq májilisinde baıandama jasaǵannyń biri Ahań atyndaǵy ýnıversıtet professory Almasbek Ábsadyq.
Konferensııanyń plenarlyq májilisinen keıin kelgen zertteýshiler men ǵalymdar seksııalarǵa bólinip jumys istedi. Seksııalyq jumystar «Sybaılas jemqorlyqqa qarsy kúres jáne zańnyń ústemdigi quqyqtyq qyzmettiń negizgi baǵyttary», «Ekonomıkalyq damýǵa qol jetkizýdegi resýrstik áleýetin tıimdi paıdalanýy», «Kazaqstandy sıfrlandyrý: ǵylym, óndiris jáne bilim berýdegi IT-tehnologııalar», «Agro-ónerkásiptik keshendi damytý maqsatyndaǵy «aqyldy tehnologııalardyń» engizilýi», «Tehnıkalyq ǵylymdar – Qazaqstandyq tórtinshi modernızasııasynyń negizi», «Mádenıet jáne ıdeologııa «Rýhanı jańǵyrý» baǵdarlamasynyń negizi» degen taqyryptar tókireginde órbidi.
Konferensııa sheńberinde JOO ǵylym men bilim berý salasyndaǵy, sonymen qatar Qazaqstannyń ındýstrıaldyq - ınnovasııalyq damý baǵdarlamasyn júzege asyrý joldaryn sheshýge baǵyttalǵan ózekti máseleler qarastyrylady.
Konferensııa barysynda aldyńǵy qatarly qazaqstandyq jáne shetel ǵalymdarynyń qatysýymen semınarlar men dóńgelek ústelder uıymdastyrylady.
Názıra Járimbet,
«Egemen Qazaqstan»
Qostanaı
